Wednesday, November 28, 2012

ဒေါ်အောင်ဆန်းစုကြည်ရဲ့ အဆိုကို ဝေဖန်ချင်ပါတယ်။

"အကောင်အထည်ဖော်နေဆဲစီမံကိန်းများကိုတစ်ဖက်သတ်ဖျက်သိမ်းပါက နိုင်ငံတကာ၏ ယုံကြည်မှုဆုံးရှုံးနိုင်ဟု ဒေါ်အောင်ဆန်းစုကြည် ဆို"
(Freedom News Group)


ဒီအဆိုကို ဝေဖန်ချင်ပါတယ်။

အဆိုတခုက တနေရာမှာ မှန်ပေမယ့်၊ တနေရာမှာ မမှန်တတ်ပါဘူး။
တရုတ်ရဲ့ အာဏာရှင်အားကိုးစီးပွါးရှာနေတဲ့ လုပ်ရပ်အပေါ် နိုင်ငံတကာ ဝေဖန်နေတာလဲ ကြာပါပြီ။ အာဖရိက ပြည်သူတွေဆို ခံရပေါင်းမနည်းတော့ပါဘူး။


ဒါကြောင့်၊ တရုတ်လုပ်ငန်း အားလုံးကိုမဆိုလိုပါ။ ပွင့်လင်းမြင်သာမှု မရှိခဲ့တဲ့ လက်ပံတောင်းတောင် စီမံကိန်းလို၊ မြစ်ဆုံစီမံကိန်းလိုဟာတွေကို ပြည်သူ့ဆန္ဒအရ ရပ်ဆိုင်းလိုက်ရလို့ နိုင်ငံတကာ ရဲ့ ယုံကြည်မှု မဆုံးရှုံးပါ။

အဘယ်ကြောင့်ဆိုသော်....

၂၀၁၁ ခုနှစ်မှာ မြစ်ဆုံစီမံကိန်း ရပ်ဆိုင်းတုန်းကလဲ နိုင်ငံတကာက အထင်မသေးတဲ့ အပြင် ၀ိုင်းအားပေးခဲ့ကြပါတယ်။ နိုင်ငံရေးပြုပြင်ပြောင်းလဲလာတဲ့ အချက်ကို ပြည်သူ့ဆန္ဒသဘောအရ မြစ်ဆုံရပ်ဆိုင်းခြင်းနဲ့ တိုင်းတာ ခဲ့ကြပါတယ်။

တကယ်လို့ ပြည်သူက ဒီလောက်တောင်းဆိုနေလျှက် လက်ပံတောင်းတောင်စီမံကိန်းကို ဆက်လုပ်မယ်ဆိုရင် မြန်မာနိုင်ငံရဲ့ ပြုပြင်ပြောင်းလဲလာတယ် ဆိုတဲ့အချက်ကို မေးခွန်းထုတ်စရာ ဖြစ်လာမှာပါ။

ဒီမိုကရေစီ နိုင်ငံတွေမှာ ပြည်သူက အဓိကပါ။ ပြည်သူ့ဆန္ဒနဲ့ မကိုက်ညီဘူး ဆိုရင် ဘယ်လောက်ကြီးတဲ့ လုပ်ငန်းဖြစ်ဖြစ် ရပ်ဆိုင်းရတာတွေ အများကြီးပါ။ ဒီလိုရပ်ဆိုင်းလို့ အဲဒီ နိုင်ငံရဲ့ ယုံကြည်မှု ရော့ကျမသွားပါဘူး။

ဥပမာ.. ထိုင်း နိုင်ငံ၊ ရာယောင်းခရိုင်က စက်မှုဇုန်တွေ ဒေသခံပြည်သူများရဲ့ ကျန်းမာရေးကို ထိခိုက်တယ် ဆိုပြီး ၀ိုင်းကန့်ကွက်လို့ ဖြုတ်သိမ်းလိုက်ရတယ်။ ထိုင်းနိုင်ငံ ပိုလို့တောင် စီးပွါးတက်လာပါသေးတယ်။

စင်ကာပူနိုင်ငံ အခြေစိုက် နိုင်ငံတကာ စီးပွါးရေး ရင်းနှီးမြုပ်နှံမှု စိတ်ချရတဲ့ နိုင်ငံ အဆင့်သတ်မှတ်ပေးလျှက်ရှိတဲ့ Vriens & Partners ရဲ့ ၂၀၁၁ အစီရင်ခံစာမှာ မြန်မာနိုင်ငံနဲ့ ပတ်သက်ပြီး အမှတ်ပေးထားတဲ့ အချက်မှာ မြစ်ဆုံစီမံကိန်းကို ပြည်သူ့ဆန္ဒအရ ရပ်ဆိုင်းလိုက်ခြင်း ဆိုတဲ့အချက် ထည့်ထားပါတယ်။ (http://www.vrienspartners.com/wp-content/uploads/2012/02/VP-2011-Good-Governance-for-International-Business-Index.pdf).

ဒါတွေကို ကြည့်ခြင်းအားဖြင့် စီးပွါးရေး စီမံကိန်း ရပ်ဆိုင်းမှုတိုင်းအတွက် နိုင်ငံတကာကြည့်တာ မဟုတ်ပါ။ အခြေအနေ အရပ်ရပ်ပေါ်မှာ မူတည်ပြီးမှ ဆုံးဖြတ်တာပါ။

ဒေါ်အောင်ဆန်းစုကြည်ရဲ့ အမြင်ဟာ တခြားနေရာမှာ မှန်နိုင်ပေမယ့်၊ ပြည်သူ့ဆန္ဒမပါတဲ့ လုပ်ငန်းတွေကို ရပ်ဆိုင်းတဲ့ နေရာအတွက်တော့ မှားပါတယ်။

5 comments:

  1. ဒူးဝါးကြီးကိုထောက်ခံတယ်

    ReplyDelete
  2. myanmar country mat pyaw kyin bar daee

    ReplyDelete
    Replies
    1. အရမ်းကို မှန်ကန်တဲ့ ဘက်မလိုက်တဲ့ ဝေဖန်ချက်ပါ။။

      Delete
  3. ဒေါ်စုကြည်ကိုဝေဖန်တဲ့လူရှိလာတာကောင်းတယ်။ ဒေါ်စုအကုန်မှန်တယ်။ သူ့ကိုမဝေဖန်နဲ့ဆိုတဲ့ပုဂိုလ်ရေးကိုကွယ်မှုလှိုင်းတွေထဲမှာ ဒီမိုကရေစီစုန်းစုန်းမြုပ်သွားလိမ့်မယ်။

    ReplyDelete

ကချင် နိုင်ငံတော် သီချင်း

မဂျွယ်ရှိန်ရာ ၀န်ပေါင် အစပါ။ မျိုးရိုးစဉ်ဆက် ၀န်ပေါင်မြေ အစစ်ပါ။ ဘိုးဘွားများရဲ့ အမွေ၊ အဖိုးတန်ဓန ပြည့်နေတာ။ ငါတို့ပြည်၊ ငါတို့မြေ ငါတို့ချစ်၊ ငါတို့မြတ်နိုးတယ်။ အဆုံးအစမဲ့ ကာကွယ်၊ ကမ္ဘာ တည် သ၍ တည်စေသတည်း။

AWNG PADANG YEHOWA

ကချင် ခရစ်ယာန်ဘုရားကျောင်းထဲမှ ဆွဲထုတ်ပြီး သတ်လိုက်