Monday, February 10, 2014

2014 Myen Mung Yuptung Jahpan (2014 Census Myanmar) Hte Seng Nna Ningmu Tang Madun Dat Ai


2014 Census hte seng nna, KIO (Laiza) kaw galaw ai zuphpawng hta 'Kachin (101)" kaw jawm bang na matu myit hkrum ai nga na lu ai hte maren, Ningbaw Kaba a Rawt Malan Mungga hta mung Kachin (101) kaw jawm bang na matu tsun da ai hpe mu lu nga ai.

Ndai hte seng nna loi mi dinglun mayu nngai... 

Kachin (101) kaw jawm bang na matu ngu ai gaw tatut hta n mai byin ai masa re.

Asuya galaw da ai format nan shut taw ai re majaw, dai hpe hpang seng nna n mai shajaw ya ai. 

Ja Ja Ninghkap Ra Ai,

N mai hkap la ai. Dai format hpe nan ading tawk ninghkap ra ai, ngu nna mu lu nngai. Gara hku ninghkap na, ngu ai hpe mahtang jawm myit yu yang kaja na re.

Mungkan shawa chye hkra dai hpe ninghkap ra ai. Asuya hku nna amyu bawsang yawng ninghkap ai kata kaw nna galaw ai rai yang, 

(1) Shawa N-gun madun ra ai... KIO (Laiza) kaw galaw ai nga ai shaloi gaw Asuya hku nna tara shang hkap la lu na yak ai. Dai majaw, Asuya Uphkang ai kaw nga ai amyu sha ningbaw ningla ni hpe ninghkap n-gun madun na matu jasu ra ai. N-gun jaw ra ai.

(2) Kade ninghkap tim, matut galaw na rai yang, anhte amyu sha yawng 'boycott' galaw na matu jasu ra ai. Jahpan n bang lawm na matu mung shawa hpe kata lam jasu ra ai. 

(3) Dai zawn boycott galaw ai hpe UN chye hkra madi madun ra ai.

(4) Kaga amyu bawsang (ethnics) ni hte jawm jahkrup nna jawm ninghkap na matu masing galaw ra ai.

ngu nna hpaji jaw dat nngai.

Tsawra hkungga let,

Facebook Page - 'Duwa Kachin'

2 comments:

  1. Kachin Duwa ngu ai kadai re lam teng man ai mying chye manyu ai..Jawm bawngban let, amyu sha matu grau kaja ai lam ni myit shapraw lu na matu Kachin Duwa ngu ai kadai re hpe hkrak chye mayu ai

    ReplyDelete
  2. Kachin ni yawng boycott galaw na matu mung, tsun na loi ai daram ta tut hta n loi na lam mu ai; dai majaw, anhte maga mahtang, jin jin galaw da na mahtang ahkyak ai lam mu lu ai

    ReplyDelete

ကခ်င္ ႏုိင္ငံေတာ္ သီခ်င္း

မဂၽြယ္ရွိန္ရာ ၀န္ေပါင္ အစပါ။ မ်ဳိးရုိးစဥ္ဆက္ ၀န္ေပါင္ေျမ အစစ္ပါ။ ဘုိးဘြားမ်ားရဲ႕ အေမြ၊ အဖုိးတန္ဓန ျပည့္ေနတာ။ ငါတုိ႔ျပည္၊ ငါတုိ႔ေျမ ငါတုိ႔ခ်စ္၊ ငါတုိ႔ျမတ္ႏုိးတယ္။ အဆုံးအစမဲ့ ကာကြယ္၊ ကမာၻ တည္ သ၍ တည္ေစသတည္း။

AWNG PADANG YEHOWA

ကခ်င္ ခရစ္ယာန္ဘုရားေက်ာင္းထဲမွ ဆဲြထုတ္ၿပီး သတ္လုိက္