Wednesday, October 30, 2013

တရားတဲ့ နည်းလမ်းနဲ့ မြန်မာပြည်ကြီးကို မအုပ်ချုပ်နိုင်ရခြင်း အကြောင်းများ။


မြန်မာပြည်ရဲ့ ပြည်တွင်း စစ် ပြဿနာကို အမျိုးမျိုးတွေးတောယူဆ ကြပါတယ်။ အထူးသဖြင့်၊ ဗမာခေါင်းဆောင်များ စိုးမိုးထားတဲ့ ဗဟိုအစိုးရ နဲ့ ဗမာမဟုတ်တဲ့ တိုင်းရင်းသား လူနည်းစု ပြည်နယ်များကြား အာဏာခွဲဝေရေးနဲ့ ပတ်သက်ပြီး ပြောကြဆိုကြတဲ့ အခါ၊ မြန်မာပြည်ကြီးကွဲသွားဖို့ အရေးကို တွေးပူတဲ့ အကြောင်း အလေးထားပြောကြတာ တွေ့ရတတ်ပါတယ်။

ဗမာ၊ ဗမာ လို့ ပြောကြတဲ့ အခါ ဗမာ သူငယ်ချင်းတွေက မကြိုက်တတ်ပါဘူး။ ဗမာ မဟုတ်ဘူး၊ စစ်တပ်ပါ၊ လို့လဲ ဆိုတတ်ပါတယ်။ ဟုတ်ပါတယ်။ မှန်သင့်သလောက် မှန်ပေမယ့် တကယ့်တကယ် ဗမာစစ်ခေါင်းဆောင်ကြီးတွေနဲ့ ဗမာနိုင်ငံရေး ခေါင်းဆောင်တိုင်းမှာ တူညီနဲ့ ယူဆ ချက်ရှိတယ်။ အဲဒါကတော့ မြန်မာပြည်ကြီးကို တရားနည်းလမ်းတကျ အုပ်ချုပ်လို့ မရနိုင်ဘူး ဆိုတဲ့ အကြောင်းပဲ ဖြစ်ပါတယ်။

ယဉ်ကျေးတဲ့ နိုင်ငံတွေလို တရားနည်းလမ်းတကျ၊ အရှက်တရား၊ လူ့ဂုဏ်သိက္ခာ၊ လူ့အခွင့်အရေး တွေကို တန်ဖိုးထားပြီး အုပ်ချုပ်ရင်၊ အင်္ဂလိပ်အစိုးရ လို လွတ်လပ်ရေးတွေ ပေးလိုက်ရတော့မယ်။ တကယ့်တကယ် စားပွဲပေါ်မှာ ကမ္ဘာ့လူထုရှေ့ အားရ ပါးရ နိုင်ငံရေးစကား လွတ်လွတ်လပ်လပ် ငြင်းခုန်ကြ၊ ပြောကြစတမ်း ဆိုရင် တိုင်းရင်းသား နယ်တွေဟာ လွတ်လပ်ရေး မပေးလို့ မရတဲ့ အနေအထား ဖြစ်နေပါတယ်။ အဲဒါ အမှန်တရားပါ။ ကချင်၊ ရှမ်း၊ ကယား၊ ချင်း နယ်မြေတွေဟာ ဗမာဘုရင်များ မပိုင်ခဲ့ပါဘူး။ ဗမာ ဘုရင်များ ကျဆုံးသွားသည့်တိုင်အောင် တိုင်းရင်းသား နယ်မြေတွေဟာ နှစ်ပေါင်း တော်တော်ကြာတဲ့ အထိ အင်္ဂလိပ် အောက် မရောက်သေးပါ။ လွတ်လပ်ရေး ပေါင်းယူကြတဲ့ သမိုင်းအမှန်ကိုတောင် လိမ်ထားဆဲ အဖြစ်အပျက်က သက်သေပြ နေပါတယ်။ ဥပမာ.. ပင်လုံညီလာခံ ကို ကျောင်းသင်ခန်းစာ တွေမှာ ဘယ်တော့မှ မထည့်ခဲ့ပါ။ မြန်မာပြည် သမိုင်းကျောင်းသားတွေ ဘွဲ့သာ ရသွားတယ်၊ ပင်လုံစာချုပ်အကြောင်း တခါမှ မမြင်ဘူးပါ။ အထူးသဖြင့် အင်္ဂလိပ်ခေတ်မှာတောင် ကချင်ပြည်နယ်ဟာ အချုပ်အချာ အာဏာပိုင် ကချင်ဒူဝါများ ကိုယ်ပိုင် နယ်စားများ အုပ်ချုပ်ခဲ့တဲ့ နယ်မြေတွေ ဖြစ်ပါတယ်။ အဲဒါကြောင့် ကိုယ့်ကြမ္မာ ကိုယ်ဖန်တီးရေး ဆိုတာ အနည်းဆုံး အခွင့်အရေး ကို တောင်းဆို နေခြင်း ဖြစ်တယ်။ တကယ်တော့ ကိုယ့် နိုင်ငံ ကိုယ် လွတ်လွတ်လပ်လပ် တည်ထောင်ခွင့် ရှိတဲ့ လူမျိုးတွေ ဖြစ်တယ်။

ဒီတော့... ဒီလို အခြေအနေ ရောက်မလာအောင် အရှက်တရား၊ လူ့အခွင့်အရေး၊ လူ့ဂုဏ်သိက္ခာတွေကို နောက်ချိတ်၊ ဘေးဖယ်ပြီး လူများစုက ဖင်ပိတ်ငြင်းပြီး အနိုင်ကျင့်လို့ရတဲ့ နည်းဥပဒေ တွေ မဖြစ်မနေလိုအပ်လာပါတယ်။ အဲဒါကတော့ တပ်မတော် အင်အားရှိမှ တိုင်းပြည် အင်အားရှိမည် ဆိုတဲ့ အဆိုအမိန့် ထွက်လာရခြင်းရဲ့ အကြောင်းရင်းတွေပါ။
ဒီနေရာမှာ လိုအပ်ချက်အရ မဖြစ်မနေ လုပ်ရမဲ့ အပိုင်းတွေမှာ

(၁) ပညာရေး လွတ်လပ်ခွင့် ပိတ်ပင်ထားဖို့ ဖြစ်ပါတယ်။ ပညာရေး လွတ်လပ်ခွင့်ရသွားရင် သမိုင်းအမှန်တွေ ဖေါ်ထုတ်လာမယ်။ ခေတ်သစ်တိုင်းရင်းသား လူငယ်တွေ ကိုယ့် ရပိုင်ခွင့် ကိုယ်သိလာမယ်။ (စကော့တလန် ကို နှစ်ပေါင်း ၇၀၀ ကျော် အုပ်ချုပ်ထားလဲ ဗြိတိန်လူမျိုးတွေ လွတ်လပ်တဲ့ အတွေးအခေါ် အောက်မှာ မဖြစ်မနေ လွတ်လပ်ရေး ပေးလာရခြင်း ဖြစ်ပါတယ်။) ပညာရေး ညံ့ဖျင်းမှုရဲ့ ရလတ်ကတော့ ဖစ်ဘွတ်ပေါ်မှာ ဗမာလူငယ်အချို့ ဆွတ်ငြင်းတတ်ကြတာက ကချင်ပြည်နယ်ဟာ မြန်မာပြည်ထဲကအစိတ်အပိုင်းပါ၊ ကချင်တွေကို မပေးနိုင်ပါဘူး။ ဆိုပြီး ပြောတတ်ကြပါတယ်။ ဒီတော့ သူတို့ ပိုင်တယ်၊ လို့ပဲ ပြောတတ်ရုံမှ တပါး တခြား ဘယ်လို ကျိုးကြောင်း ဆက်စပ် ဗဟုသုတ မှ မရှိပါ။ ပညာတတ်အချို့ကတော့ နှုတ်စိတ် နေပေးတတ်ပါတယ်။ မှန် မမှန်မငြင်းတော့ပါ။

(၂) အချိန်မရွေး အာဏာသိမ်း ဗိုလ်ကျ အုပ်စိုးလို့ ရမည့် စစ်တပ် လိုအပ်လာတယ်။ စစ်တပ်ဟာ ချွမ်းချက်အနေနဲ့ ဥပဒေ အထက်မှာ ရှိကို ရှိရမယ်၊ ဆိုတဲ့ သဘောတရား ကို ဆုပ်ကိုင်ထားမယ်။

(၃) ဗဟိုချုပ်ကိုင်မှုစနစ် လိုအပ်လာတယ်။ အကျိုးဆက် အနေနဲ့ လယ်သိမ်း၊ မြေသိမ်းမှုတွေဟာ ထာဝရ တည်နေမှာ ဖြစ်တယ်။ အဲဒါတွေရဲ့ နောက်ဆက်တွဲ အကျိုးဆက် ကတော့ ထာဝရ ဆင်းရဲခြင်းပါ။ တရားသဘော နဲ့ ပြောရမယ် ဆိုရင် သဏှာ မချွတ်နိုင်တဲ့ ဒုက္ခ ပါ။

2 comments:

  1. စည်းလုံးညီညွတ်မှု ကင်းမဲ့နေလို့ဖြစ်ပါတယ်။

    ဗမာတိုင်းရင်းသားကြီးစိုးတဲ့ ဗမာ့တပ်မတော်၊ ဗမာအစိုးရ ကို သက်ဆိုးရှည်အောင် လုပ်နေသော သူများတွင် ဗမာတိုင်းရင်းသားများ မပါဝင်ပါ။ အဘယ့်ကြောင့်ဆိုသော် ဗမာတိုင်းရင်းသားများလည်း ဗမာအစိုးရ ၏ လုပ်ရပ်တွေကြောင့် ဒုက္ခပင်လယ် ထဲမှာနစ်နေတာပါ။

    တကယ် ဗမာအစိုးရ နှင့် ဗမာအစိုးရ စစ်တပ် ကို သက်ဆိုးရှည်အောင် လုပ်နေသူတွေသည် တိုင်းရင်းသား လက်နက်ကိုင် အဖွဲ့အစည်းများ သာလျှင်ဖြစ်ပါသည်။ ဘာကြောင့်လည်းဆိုတော့ အကယ်၍သာ ဗမာအစိုးရ တပ်ကို တကယ် ဖြုတ်ချလိုရင် တိုင်းရင်းသားလက်နက် ကိုင်အဖွဲ့အစည်းအားလုံး စည်းစည်းလုံးလုံး နဲ့တိုက်ကြမယ်ဆိုရင် မြန်မာနိုင်ငံသားများ အဓိကလိုလား တောင့်တနေတဲ့ စစ်မှန်တဲ့ ပြည်ထောင်စု ဒီမိုကရေစီ နိုင်ငံတော် ကြီးကို တည်ဆောက် နိုင်တာ ကြာလှ ပြီ။

    အခုတော့ တဖွဲ့နှင့်တဖွဲ့ လည်း ညီညွတ်မှု မရှိပဲ တယောက်တပေါက် လုပ်ချင်ရာလုပ်နေကြတယ်။ ဥပမာ - သစ်ခုတ်ရောင်း၊ ရွှေမော်၊ ကျောက်စိမ်းမော် က အခွန်တွေကောက်စား၊ ကိုယ့်အိတ်ထောင်ထဲထည့် ပြီး ကြီးပွားချမ်းသာနေကြတာ။ နောက်ဆုံးတော့လည်း ဘာမှ တိတ်မထူးခြားကြပါဘူး။ ခေါင်းဆောင်တွေက ကြီးပွားတယ်၊ တပည့်တွေက နာကြတယ်။

    ထို့ကြောင့် တိုင်းရင်းသား လက်နက်ကိုင် အဖွဲ့အစည်းအားလုံး သည် အမှန်တယ်မိမိလူမျိုး၊ မိမိတိုင်းပြည်အတွက် အလုပ်လုပ်နေ ကြောင်းကို လက်တွေ့ ပြသ လိုလျှင် အားလုံးစည်းစည်းလုံးလုံး ရှိကြပြီး ဗမာအစိုးရ စစ်ကိုတိုက်ခိုက်ကြပါ။

    နိုင်ငံရေးဆွေးနွေးပွဲ ကနေပြီး လိုလားတောင့်တနေတဲ့ အခွင့်အရေးတွေကို တောင်းဆိုမယ် ဆိုရင်လည်း စစ်ရေး၊ နိုင်ငံရေး အသာစီး ရ မှ ပြောအား ရှိမှာဖြစ်တယ်။

    အားလုံးက မစည်းလုံးနိုင်ကြဘူး ဆိုရင် လည်း လက်နက်ချ ပြီး အညံ့ခံကြပါ။ လက်နက်ကိုင် သူပုန် တွေ မရှိတော့ရင် ဗမာအစိုးရ စစ်တပ် အနေနဲ့ နိုင်ငံရေးမှာ ပါဝင်နေစရာ အကြောင်းနည်းလာလိမ့်မယ်။ ဒီမိုကရေစီ အမြန်ထွန်းကားလာမှာ ဖြစ်ပါတယ်။

    သို့မဟုတ်ရင် - လက်နက်ကိုင် သူပုန်ခေါင်းဆောင်များ၊ အစိုးရ ခေါင်းဆောင်များ နှင့် သူတို့၏ဆွေမျိုးများ သာ အများပိုင်ဖြစ်တဲ့ နိုင်ငံ တော်၏ မြေပေါ်၊ မြေအောက် တံယံစာတ များကို ထုတ်ယူ စားသုံးခြင်းဖြင့် ဆက်လက်၍ ကြီးပွားနေကြ အုန်းမှာပါ။ အများပြည်တွေက တော့ ဒုက္ခ ပင်လယ်နက်ကြီးထဲမှာ ဆက်လက်ပြီး နစ်မွန်းနေကြမှာ မုချပါ။

    ReplyDelete

ကချင် နိုင်ငံတော် သီချင်း

မဂျွယ်ရှိန်ရာ ၀န်ပေါင် အစပါ။ မျိုးရိုးစဉ်ဆက် ၀န်ပေါင်မြေ အစစ်ပါ။ ဘိုးဘွားများရဲ့ အမွေ၊ အဖိုးတန်ဓန ပြည့်နေတာ။ ငါတို့ပြည်၊ ငါတို့မြေ ငါတို့ချစ်၊ ငါတို့မြတ်နိုးတယ်။ အဆုံးအစမဲ့ ကာကွယ်၊ ကမ္ဘာ တည် သ၍ တည်စေသတည်း။

AWNG PADANG YEHOWA

ကချင် ခရစ်ယာန်ဘုရားကျောင်းထဲမှ ဆွဲထုတ်ပြီး သတ်လိုက်