Thursday, July 3, 2014
အခွင့်အရေး နဲ့ တာဝန် ၀တ္တရား
(Rights and Responsibility)
မြန်မာပြည်မှာ အွန်လုိုင်းပေါ်မှာ၂၀၁၁ ခုနှစ် ကတည်းက ငြင်းခုန်လာတဲ့ စာသားတခု အပေါ်မှာ အခြေခံပြီး တင်ပြလုိုပါတယ်။
အဲဒါကတော့ "လူ့အခွင့်အရေး" ဆုိုတာပါပဲ။ တကယ်တော့ ကမ္ဘာမှာ လူ့အခွင့်အရေး ဆုိုတဲ့ ကိစ္စ ပြောလာတာ အခုမှတော့ မဟုတ်ပါဘူး။ ဖွံ့ဖြိုးပြီး နုိုင်ငံတွေမှာ စလာတာပါ။ ကမ္ဘာ့ ကုလသမဂ္ဂလူ့အခွင့်အရေး ကြေငြာ စာတမ်း ဆုိုတာလဲ ကြာခဲ့ပါပြီ။
ဒါပေမယ့် မြန်မာပြည်မှာက ၁၉၆၁ ခုနှစ် ဗုိုလ်ချုပ်ကြီး ဦးနေ၀င်း ဦးဆောင်တဲ့ စစ်အစုိုးရ နေရာယူလာပြီး နောက်ပုိုင်း လူ့အခွင့်အရေး ဆုိုတာကုို မြန်မာပြည်နဲ့ မတည့်သယောင် ၀ါဒဖြန့်လာခဲ့ပါတယ်။ အဲဒီ အငွေ့အသက်က အခုထိ ရှိနေဆဲ ဆုိုပါတော့။
တဖက်မှာ ခေတ်ပညာတတ်လာတဲူ့လူငယ် လူလတ်ပိုင်းတွေက တုိုးတက်ပြီး နုိုင်ငံတွေလုို လူ့အခွင့်အရေး ပြည့်ဝ တဲ့ နုိုင်ငံ ဖြစ်ချင်စိတ်တွေ ပြင်းပြလာတယ်။ တဖက်မှာ လူ့အခွင့်အရေး ဆုိုရင် မွတ်ဆလင်တွေရဲ့သီးသန့် အခွင့်အရေး လုိုလုို ရေးလာတဲ့ ကွန်မန့် တွေ တွေ့လာရပါတယ်။
တကယ်တော့ လူ့ အခွင့်အရေး ဆုိုတာ အသက်ရှင်တဲ့ လူသားတုိုင်း အတွက်ပါ။
လူ့အခွင့်အရေး နဲ့ မြန်မာပြည် မဆုိုင်သေးဘူး ဆုိုရင် မြန်မာတွေဟာ လူစင်မမီသေးဘူး ဆုိုတဲ့ သဘောပါပဲ။
လူ့အခွင့်အရေး ဆုိုတာ တာဝန် ၀တ္တရား တခုလဲ ဖြစ်ပါတယ်။ အခွင့်အရေး နဲ့ တာဝန် ဆုိုတာ တွဲလာပါတယ်။
နုိုင်ငံတနုိုင်ငံမှာ နုိုင်ငံသားတုိုင်း အခွင့်အရေး တန်းတူ ရထုိုက်သလုို၊ တာဝန်ဝတ္တရားလဲ အတူတူထမ်းရမှာ ဖြစ်ပါတယ်။ အခွန်ဆောင်တဲ့ ကိစ္စမှ နုိုင်ငံ့တာဝန် ထမ်းဆောင်တဲ့ နေရာ အဆုံး တန်းတူ အခွင့်အရေး နဲ့ တာဝန်ယူမှု ရှိရမှာ ဖြစ်ပါတယ်။
အခွင့်အရေးတော့ ယူချင်တယ် တာဝန်ယူမှုတော့မရှိဘူး ဆုိုရင် မဖြစ်သလုို၊ အခွင့်အရေးတော့ မပေးချင်ဘူး၊ တာဝန်ပဲ ယူခုိုင်းတယ် ဆုိုရင် ပေါ်တာဆွဲသလုို ဖြစ်တတ်ပါတယ်။
တုိုင်းရင်းသားဒေသတွေမှာ လွတ်လပ်ရေး ရကတည်းက ဖြစ်နေတဲ့ ပြဿနာဟာ အဲဒါပါပဲ။ တုိုင်းရင်းသား ကျေးရွာတွေမှာ စစ်တပ်ဆောက်ဖုို့၊ ဆက်သား အလှည့်ကျ သွားဖုို့ တာဝန်ပဲ ပေးခံရပြီး အခွင့်အရေး ပုိုင်းတော့ သုည ပါ။
အဲဒါကြောင့် ဒီမုိုကရေစီ စစ်စစ် ဖြစ်ဖုို့ ဆုိုတာ အခွင့်အရေးပုိုင်းနဲ့ တာဝန်ခွဲဝေမှု ကုို ညီတူညီမျှ ဖြစ်အောင် စွမ်းဆောင်နုိုင်မှ အစစ်အမှန် ဖြစ်လာမှာပါ။ လူ့အခွင့်အရေး မကြိုက်သူများသည်၊ တာဝန်ယူစိတ်မရှိသူများသာ ဖြစ်ပါသည်။
Subscribe to:
Post Comments (Atom)
No comments:
Post a Comment