ပြည်သူ အင်အား ရှိမှ တိုင်းပြည် အင်အား ရှိမယ်။

ဒီနေ့ခေတ်မှာ တိုင်းပြည်တခု ရဲ့ အင်အားကို နိုင်ငံတော် စုစုပေါင်း ၀င်ထွက် ဘဏ္ဍဖြစ်တဲ့ Gross Domestic Product (GDP) နဲ့ နှစ်စဉ်ရသုံးငွေ ရာထားချက် Budget များကို ကြည့်ပြီး ခန့်မှန်းလေ့ ရှိပါတယ်။ လူအင်အား နဲ့လဲ ဆိုင်သင့်သလောက်ပဲ ဆိုင်ပါတယ်။

အဲဒီ GDP တက်လာဖို့ ဆိုတာ ပြည်သူ တစ်ယောက်ချင်းဆီရဲ့ ၀င်ငွေ ထွက်ငွေ၊ သုံးဖြုန်းနိုင်မှု (၀ယ်လိုအား)၊ ထုတ်ကုန်၊ ပို့ကုန်၊ သွင်းကုန်၊ စတာတွေကို တွက်ချက်ရတာ ဖြစ်ပါတယ်။

ဒီအရာတွေ အားလုံးပေါ် မူတည်ပြီး နိုင်ငံတော် အခွန်ဘဏ္ဍကလဲ တက်လာတတ်ပါတယ်။ အခွန်ဘဏ္ဍတက်လာတာနဲ့အမျှ ၀န်ထမ်းလစာ တွေ အလိုလို တိုးလာမယ်။ တိုင်းပြည်ရဲ့လိုအပ်သမျှ အသုံးစရိတ် တက်လာမှာ ဖြစ်တယ်။ အဲဒီ အထဲမှာ တပ်မတော် အသုံးစရိတ်လဲ အပါအ၀င် ပေါ့။

ဒီတော့ တိုင်းပြည်အင်အားရှိမှ တပ်မတော် အင်အားရှိတာပါ။ တိုင်းပြည်အင်အားရှိဖို့ ဆိုတာ ပြည်သူ တစ်ယောက်ချင်းရဲ့ ၀င်ငွေ၊ ကျန်းမာရေး၊ ပညာရေး၊ ဥပဒေ စိုးမိုးရေး၊ တရားမျှတရေး စတဲ့ အခြေခံ လိုအပ်ချက် တွေက မရှိမဖြစ်လိုအပ်လာတယ်။

အော်... မြန်မာ့မီဒီယာ ဘာတွေကြောက်နေလဲ..

ဒီတခါ ကေအိုင်အို ကိုယ်စားလှယ်များ မြစ်ကြီးနားကို ရောက်လာတော့ သတင်းမီဒီယာ တွေက ဟာသလေးတွေ နဲ့ အကြောက်တရားလေးတွေ တချို့အကြောင်း ဖေါက်သည် ချ ချင်ပါတယ်။

ကေအိုင်အို ကိုယ်စားလှယ်များကို ကြိုဆိုတယ် ဆိုတာ ဘယ်သူ့ ဖိတ်ကြားချက်မှ မရှိပဲ မြစ်ကြီးနားမြို့ပေါ်နေ ကချင်ပြည်သူတွေ အင်တိုက်အားတိုက် ကေအိုင်အို အလံကိုင်ပြီး ကြိုကြတာပါ။

အဲဒါကို

(၁) မြန်မာ့ ရုပ်မြင်သံကြားကနေ ထုတ်လွင့်သွားတာကတော့ ကေအိုင်အို အလံ လွင့်ပြီး ကြိုတာကို ကချင်ပြည်နယ် အလံ လို့ သုံးနှုန်းသွားတယ်။ နောက်ပြီး ကချင်ပြည်သူတွေ ကြိုဆိုတာ ဦးအောင်မင်း နဲ့ ငြိမ်းချမ်းရေး ဖေါ်ဆောင်ရေး အဖွဲ့ကို ကြိုဆိုခဲ့ကြသယောင်နဲ့ ရောချသွားတယ်။

(၂) 7 Days News Journal မှာကျတော့ ကချင် ဒုက္ခသည် တွေက ကေအိုင်အို ကိုယ်စားလှယ်တွေကို ကြိုတာတဲ့။ လွဲချက်။ ဒုက္ခသည် ဆိုတာ ကချင်ပြည်သူ အားလုံးကို ဆိုလိုတယ် ဆိုရင်တော့ မမှားဘူးပေါ့။

ဦးအောင်မင်းအဖွဲ့ ကချင်နှစ်ခြင်းခရစ်ယာန် အသင်းချုပ် နဲ့ တွေ့

 ဦးအောင်မင်း ဦးဆောင်သော အစိုးရ ငြိမ်းချမ်းရေး ကိုယ်စားလှယ်အဖွဲ့ဟာ မေလ ၂၉ ရက်နေ့မှာတော့ ကချင် နှစ်ခြင်းခရစ်ယာန် အဖွဲ့ချုပ်ရုံး (KBC) သို့ ဘာသာရေးခေါင်းဆောင်များ နှင့် တွေ့ဆုံ စကားပြောခဲ့ကြောင်း သိရပါတယ်။ ကချင်နှစ်ခြင်းခရစ်ယာန်အသင်းချုပ်သည် ကချင်လူမျိုး အများပိုင်းနှင့် ဖွဲ့စည်းထားသော ဘာသာရေး အသင်းအဖွဲ့ ဖြစ်ပြီး စစ်ပြေးဒုက္ခသည် တစ်သိန်းဝန်းကျင်ကိုလဲ တာဝန်ယူ စောင့်ရှောက်ထားတဲ့အပြင်၊ ကချင်ရွာ ၂၀၀ ကျော် နဲ့ ဘုရားကျောင်း ၆၆ ကျောင်း ဖျက်ဆီးခံရကြောင်းကို အစီရင်ခံစာ ထုတ်ခဲ့သော အဖွဲ့ချုပ်လဲ ဖြစ်သည်။ တဖက်မှာလဲ ကေအိုင်အို ကိုယ်စားလှယ်များဟာ ငြိမ်းချမ်းရေးနဲ့ ပတ်သက်ပြီး ကချင်ပြည်သူများထဲမှ ရပ်မိရပ်ဖ များနဲ့ ဆွေးနွေးခဲ့တယ် လို့ သိရပါတယ်။

ကုလ အထူးကိုယ်စားလှယ် Vijay Nambiar နဲ့ အဖွဲ့ကို ကချင်လူထု ကြိုဆို

အစိုးရ နဲ့ ကေအိုင်အို ကြား ငြိမ်းချမ်းရေး ဆွေနွေးပွဲသို့ လေ့လာသူအဖြစ် တက်ရောက်လာသော ကုလ အထူးကိုယ်စားလှယ် Vijay Nambiar နဲ့ အဖွဲ့ကို ကချင်လူထုက ရိုးရာအခန်းအနားနဲ့ ကြိုဆိုခဲ့ကြပါတယ်။

ခေတ်မီပြီး ဆင်းရဲတဲ့ လူမျိုးနဲ့ နိုင်ငံတွေ အကြောင်း တစေ့တစောင်း

မြန်မာအစိုးရ ဟာ နိုင်ငံတကာ အကူအညီ နဲ့ နိုင်ငံတကာ ရင်းနှီးမြုပ်နှံသူတွေကို အငန်းမရ ဖိတ်ခေါ်ပြီး အချိန်တို အတွင်းမှာ စီးပွါးရေး အင်အား မြင့်တက်လာအောင် လုပ်ဖို့ စိတ်ကူးယဉ်နေတာ သတိထားမိပါတယ်။

တဖက်မှာလဲ နိုင်ငံ့လူဦးရေး သန်း ၆၀ ရဲ့ ရာခိုင်နှုန်းတော်တော်များများဟာ စာမတတ်၊ ပေမတတ်သူတွေကများ၊ အတွေးအခေါ်ပိုင်းဆိုင်ရာ နိမ့်ကျမှုတွေကလဲ ရှိနေတယ်။ ပိုဆိုးတာ အဲဒီ အခြေခံလူတန်းစားတွေရဲ့ ပိုင်ဆိုင်မှုတွေကို အာမခံချက် မပေးနိုင်တဲ့ ပြဿနာရှိနေပါတယ်။ လယ်ယာမြေသိမ်းမှုတွေဟာ နေရာတကာ မှာ အချိန်မရွေး ဖြစ်လာနိုင်ပါတယ်။

လက်တလော ဖြစ်နေတာက ဒုက္ခသည်တွေများလာတဲ့ ပြဿနာပါ။ အဲဒီ ပြဿနာဟာ တွေကို မျော်လင့်ချက် ကင်းမဲ့စေတယ်။ တဖက်မှာ အလုပ်လက်မဲ့ဘ၀ တိုးပွါးစေတယ်။ လူတိုင်း လူတိုင်းဟာ စက်ရုံအလုပ်ရုံ အလုပ်သမား မဖြစ်နိုင်ပါဘူး။ ကိုယ့်နည်းကိုယ့်ဟန် နဲ့ ကိုယ့်ဒေသမှာ လွတ်လပ်စွာ စီးပွါးရှာနိုင်ဖို့ အရေးကြီးပါတယ်။

ဒေသတွင်း တယ်လီဖုန်း သိပ်သည်းဆ အနည်းဆုံး နိုင်ငံဘွဲ့ရ....

၂၀၁၁-၂၀၁၂ အတွင်း နိုင်ငံအချို့၏ မိုဘိုင်းဖုန်း သိပ်သည်းဆများ

ထိုင်း ၁၂၃ ရာခိုင်နှုန်း

မလေးရှား ၁၂၂ ရာခိုင်နှုန်း

တောင်ကိုရီးယား ၁၀၈ ရာခိုင်နှုန်း

ဖိလစ်ပိုင် ၁၀၃ ရာခိုင်နှုန်း

အင်ဒိုနီးရှား ၉၆ ရာခိုင်နှုန်း

တရုတ် ၇၈ ရာခိုင်နှုန်း

အိန္ဒိယ ၇၈ ရာခိုင်နှုန်း

ပါကစ္စတန် ၆၆ ရာခိုင်နှုန်း

ဘင်္ဂလားဒေ့ရှ် ၅၀ ရာခိုင်နှုန်း

မြန်မာ ၇ ရာခိုင်နှုန်း

မေ ၁၃ ရက်က ကျင်းပသော အော်ပရေတာတင်ဒါနှင့် ပတ်သက်သည့် ရှင်းလင်းပွဲတွင် ဆက်/နည်းပညာ ဒုဝန်ကြီးဦးသောင်းတင်မှ ရှင်းလင်းစဉ်

Eleven Media Group

မြန်မာမှာ အတိုက်အခံ လိုတယ်...

နိုင်ငံတနိုင်ငံရဲ့ နိုင်ငံရေး ဖြစ်စဉ်တိုးတက်ဖို့အတွက် နိုင်ငံရေး အတိုက်အခံပါတီ ဆိုတာ မရှိမဖြစ် လိုအပ်ပါတယ်။ အမြဲတမ်း ထောက်ပြ ဝေဖန် နေရမှာပါ။ မြန်မာ့ကရေစီမှာတော့ အတိုက်အခံ ဆိုတာ မရှိပဲ အဲဒီ အတိုက်အခံလို့ ယူဆ ထားသူတွေကို ဆက်တိုက်လို တိုက်ခိုက်နေတာပဲ တွေ့နေရတယ်။

ဒေါ်အောင်ဆန်းစုကြည် လွတ်တော်ထဲ ရောက်သွားတာနဲ့ လွတ်တော်အထဲမှ တရားဝင် အတိုက်အခံလုပ်လိမ့်မယ် လို့ နိုင်ငံတကာက ယူဆထားကြပေမယ့် ဘာသံမှ ထွက်မလာပဲ အစိုးရ ကို ကူညီသူအဖြစ်သာ တွေ့လာရပါတယ်။ လွတ်တော်ထဲ ရောက်သွားတာနဲ့ အားလုံး တဂိုဏ်းထဲ ဖြစ်သွားတာဟာ ပြည်သူ နဲ့ နိုင်ငံအတွက် နစ်နာမှုတခုပါ။

မြန်မာ့ ဂတ်စ် ထိုင်းမှာ ပိုပေါ...

တနေ့က ထိုင်းမှာနေတဲ့ သူငယ်ချင်း တစ်ယောက် နဲ့ အွန်လိုင်းမှာ စကားစမြည်ပြောဖြစ်ပါတယ်။

စကားမစပ် မီးဖိုဂျောင် ကိစ္စတွေ ရောက်သွားတယ်... ကျနော်တို့ မြစ်ကြီးနားသားတွေက အခုထိ Gas မသုံးသေးဘူး... ထင်း နဲ့ မီးသွေးပေါ့.... အဲ မီးသွေးကလဲ တနေ့တခြား ဈေးက တရိပ်ရိပ် မြင့်တက်လာတော့ တခါတလေ သူများနိုင်ငံ သွားလည်ရင်း Gas နဲ့ ချက်စားတာ တော်တော် အဆင်ပြေတာ မျည်းစမ်းဖူးတော့ မြစ်ကြီးနား ဘူတာ နားက Gas ဖြန့်ဖြူးပေးတဲ့ ဆိုင်မှာ ၀င်မေးဖြစ်တယ်။ 15 kg ဆန့်တဲ့ Gas tank တလုံး (အသစ်ဝယ်ဈေးမပြောတော့ဘူး) ကုန်ရင် ထပ်ဖြည့်ဈေး ဘယ်လောက်လဲ လို့ မေးတော့ ၂၆၀၀၀ ကျပ်တဲ့။

ထိုင်းက သူငယ်ချင်း ကို မြစ်ကြီးနားမှာလဲ Gas ရနိုင်ပြီ ဖြစ်တဲ့ အကြောင်း ပြောရင်းနဲ့ ဈေးနှုန်းကိစ္စ ရောက်သွားတယ်။ အစက သတိမထားမိဘူး.. နောက်မှ သူက အလှန့်တကြား နဲ့ ...
ဘာ.... 15 kg ဖြည့်တာ ၂၆၀၀၀ ကျပ်၊ ဟုတ်လား.... ဈေးကြီးလိုက်တာ...

ထိုင်းမှာက ဘတ် ၃၀၀ ပဲတဲ့။ ဒါနဲ့ ဘတ် သုံးရာက မြန်မာငွေ ဘယ်လောက်လဲ လို့ မေးတော့ တစ်သောင်း မပြည့်ဘူး.. လို့ ဆိုပြန်တယ်...

နေပါအုံး... ထိုင်း မှာ သုံးတဲ့ သဘာဝ ဓါတ်ငွေ့က မြန်မာ့ ထုတ်ကုန် ပါ။ ဘယ်လိုလုပ် အဲဒီမှာ ဈေးပေါပြီး ငါတို့ဆီမှာ ဈေးကြီး နေရတာလဲ... ဆိုပြီး ပြောဖြစ်ခဲ့ပါတယ်.....

ဘာဖြစ်လို့များ ဒီလိုတွေ ဖြစ်နေပါလိမ့်.... ဆိုတာပဲ စာဖတ်သူတွေ ဆက်ဆွေးနွေးကြပေါ့......

ခေတ်အဆက်ဆက်... တမျိုးပြီး တမျိုး မရိုးရအောင်...

မဆလ ခေတ်မှာ အစိုးရ ၀န်ထမ်းတွေရဲ့ လက်သုံးစကား ရှိတယ်...

မလုပ်... မရှုပ်... မပြုတ်.. တဲ့။
လုပ်ရင် ရှုပ်မယ်... ရှုပ်ရင် ပြုတ် နိုင်တယ်လေ....

ရွှေမြန်မာ ခေတ်မှာတော့...

မရှိတာထက် မသိတာခက် ပြန်တယ်....
စိုက်လိုက်ရတဲ့ ကြက်ဆူတွေ... ဘာမှန်းကို မသိတော့ဘူး.... ခိုင်းတဲ့လူတွေကလဲ ဘာမှန်းကို မသိပဲ ခိုင်းတယ်.. စိုက်တဲ့လူတွေကလဲ ဘာမှန်းကို မသိပဲ စိုက်လိုက်ရတယ်.... အသီးကောက်စားလို့ ဆေးရုံရောက်တဲ့လူရောက်... တီဗီ သတင်းမှာတော့ ဘယ် တပ်ရင်းက ဘယ် ဗိုလ်မှူးက ကြက်ဆူ ဘယ်လောက်စိုက်တဲ့ အကြောင်း.... တပ်ရင်းကို ဘယ်လောက် ထောက်ပံ့တဲ့ အကြောင်းတွေ ပြော.. အပြင်လောကမှာတော့ ကြက်ဆူသီး ဆိုတာ မှောင်ခိုဈေးက ရှိသေးတယ်... ရာထူးတက်သီး တဲ့။
အခုတော့လဲ ကြက်ပျောက် ငှက်ပျောက် ဖြစ်သွားပြီ....

အခု... စိန်မြန်မာ ခေတ်ရောက်လာပြီ...

မသိတာထက် မလုပ်တာခက်ပြန်တယ်....
"တကယ်တော့ ကျုပ်တို့ဟာ တံခါးဖွင့်လိုက်မှ ဘာမှ မသိပါလား.. ဆိုတာ သိလာတယ်..." လို့တော့ ပြောတာပဲ... ဒါပေမယ့်... မသိဘူး ဆိုတဲ့ လူတွေက ဘာမှလဲ မလုပ်တာခက်နေတယ်...
သူတို့ လုပ်ရမှာက မသိဘူး ဆိုတာ သိသိချင်း နှုတ်ထွက်ရမှာလေ... အေးဆေးပဲ...
မြန်မာ နိုင်ငံသားတွေကို ၂၀၁၅ အထိ ဘာမှ မသိတဲ့လူတွေ နောက် အီးရောင်ဝါး လိုက်ခိုင်းတော့မှာပေါ့လေ.....
ဒင်းတို့က ဘာမှ မလုပ်ရင်... ဘာမှ ဖြစ်လာစရာမှ မရှိတာ...

ဒီလိုနဲ့ပဲ မြန်မာပြည်သားတွေ ခေတ်အဆက်ဆက် အပြောင်းအလဲ ဆိုတာ မမြင်ရပဲ တသုတ်ပြီး တသုတ် သေသွားတဲ့လူတွေ မနဲတော့ဘူး....

ဒီဇယ်ခေါင်း နဲ့ ဆွဲနေတဲ့ မြန်မာပြည်...

ဒီဇယ်ခေါင်း က မတက်သေးတဲ့ မြန်မာပြည်ဆိုတော့ မီးခိုး တလူလူ နဲ့ ခရီးမတွင်ဘူး... ဘာမဆို လှည်းဘီးလို ဘီးအကြီးကြီး တပ်ထားပြီး ခရီးမရောက် ဖြစ်နေရှာတယ်။

ရှေ့က ဆွဲတဲ့ နွားကလဲ နွားအို (အဟောင်းတွေ) ဆိုတော့ ဘယ်လောက်အော်အော် ပိုင်ရှင်ရဲ့ အသံနားယဉ်နေပြီလေ....

ပိုဆိုးတာက အဲဒီ နွားတွေက ကိုယ့်ဟာကိုယ် အိုလို့ အိုမှန်းမသိရှာတဲ့ ပြဿနာ နဲ့ အဲဒီ နွားအိုကိုမှ ကြိုက်ပါတယ် ဆိုတဲ့ ပိုင်ရှင်တချို့ကြောင့်လဲ ခက်ပါဘိ....

နိုင်ငံရေး ကကြီး ခခွေး...

ဒူဝါက ဖက်ဒရယ် နဲ့ ပတ်သက်တဲ့ အကြောင်းအရာလေးတွေ ရေးရင် ဗဟိုအစိုးရ ဆိုတာ ခဏဏ တွေ့ပါလိမ့်မယ်။ တနေရာမှာတော့ စစ်အုပ်စုထဲက အထင်ကရ (အမြဲတမ်း စစ်တပ်ကို ထောက်ခံနေသူ) တစ်ယောက်က Comment ပေးလာတယ်။

ဗဟို.. ဗဟို... နဲ့ ခင်များတို့ ကေအိုင်အေ ဌာနချုပ်လို့များ အောက်မေ့နေလား မသိဘူး.... တဲ့။ ဒါနဲ့ သူ တစ်ယောက်ထဲလား ဆိုတော့ သူ့ကို Like ပေးထားတဲ့ နောက်လိုက်တွေကလဲ မနည်းဘူး ဖြစ်နေတယ်။

ဒီတော့... ဒူဝါ အနေနဲ့ ရီအားထက် ငိုအားသန် ဆိုသလို ဖြစ်သွားပါတယ်။

ကျနော်တို့ကသာ ဒီမိုကရေစီ တို့... ဖက်ဒရယ် တို့... စကားကြီး စကားကျယ်တွေ ပြောနေတာ... သူတို့ခင်မျာ ဗဟို အစိုးရ ဆိုတာတောင် နားမလည်ရှာသေးပဲကိုး....

လွတ်လပ်ခြင်းအတွက် ဦးဏှောက် ဆေးလိုက်ရမယ်...

လွတ်လပ်စွာ တွေးခေါ်တတ်ဖို့ ဦးဏှောက်ဆေးလိုက်မယ် ဆိုရင်.. ပိုမို ကျယ်ပြန့်တဲ့ အတွေးအခေါ် ပညာရပ်တွေကို ရလာတတ်ပါတယ်...

ဒါပေမယ့်... မူဝါဒ တခုခု ရိုက်သွင်းဖို့ ဦးဏှောက်ဆေးလိုက်ခြင်းဟာ လူ တစ်ယောက်ကို အကျဉ်းထောင်ထဲ ပို့လွတ်လိုက်သလိုပဲ ဘာမှ မသိတော့ဘူး။

ကချင် ခရစ်ယာန်ဓမ္မသက္ကသိုလ် က ဆရာ တစ်ပါးဟာ ကျောင်းသားသစ် (Fresher) အတန်းမှာ အမြဲတမ်း ဦးဦးဖျားဖျား ဘုရားသခင် မရှိတဲ့ အကြောင်း စပြီး လက်ချာပေးတာ နာမည်ကြီးခဲ့ပါတယ်။ အဲဒါကြောင့်လဲ ကချင်ခရစ်ယာန် အသိုင်းအ၀န်းမှာ သူ့ရဲ့ အတွေးအခေါ်ကို နားမလည်တဲ့လူတွေက အကြီးအကျယ် ဝေဖန်ခဲ့ပါတယ်။

တကယ်တော့ သူဟာ.. ဓမ္မစာသင်သားတွေကို မိဘ အသိုင်းအ၀ိုင်းက ရလာတဲ့ ယုကြည်မှု ဆိုင်ရာ ထုံးတမ်းစဉ်လာ အတွေးအခေါ် အားလုံးကို ဆေးကျောပေးလိုက်တဲ့ သဘော ဖြစ်ပါတယ်။ ကိုယ့်ကိုယ်ကို ဘုရားမဲ့ ၀ါဒလူတစ်ယောက် အနေနဲ့ စခိုင်းခဲ့တယ်။ ပြီးတော့ လွတ်လပ်စွာ ရေးခိုင်းတယ်.. တွေးခေါ်ခိုင်းတယ်... စာကြည့်တိုက်မှာ များများ ရှာဖတ်ခိုင်းတယ်...

အမြင် နှစ်မျိုး

ကမ္ဘာ့လူဦးရေ အများဆုံးနိုင်ငံ နှစ်ခုကြားမှာ ရှိနေတဲ့ မြန်မာ နိုင်ငံကို

နိုင်ငံတကာ စီးပွါးရေးသမားတွေက ဈေးကွက် အခွင့်အလမ်း လို့ မြင်တယ်...
မြန်မာ့ တပ်မတော် က အန္တရယ် လို့ မြင်တယ်...

တိုင်းရင်းသား လူမျိုးပေါင်းစုံ နဲ့ ဘာသာစကား၊ ယဉ်ကျေးမှု စုံလင်စွာ ရှိနေတဲ့ မြန်မာ နိုင်ငံကို...

ပညာရှင်တွေ၊ အနုပညာသမား၊ ကမ္ဘာလှည့်ခရီးသည် တွေက အလှအပ လို့ မြင်တယ်။

မြန်မာ့ တပ်မတော်ကတော့ ပြဿနာ လို့ မြင်တယ်။

အဲဒါတွေကြောင့်ပါပဲ... မြန်မာပြည်ကြီး ဒီအဆင့် ဖြစ်နေရတာ...

နိုင်ငံတနိုင်ငံ ချမ်းသာဖို့ စီမံခန့်ခွဲမှု အဓိက

ကမ္ဘာမှာ ဆင်းရဲသင့်လို့ ဆင်းရဲတဲ့ နိုင်ငံတွေ ရှိတယ်။

မဆင်းရဲသင့်ပဲ ဆင်းရဲ နေရတဲ့ နိုင်ငံတွေလဲ ရှိတယ်။

ဆင်းရဲသင့်ပေမယ့် မဆင်းရဲတဲ့ နိုင်ငံတွေလဲ ရှိတယ်။

ချမ်းသားသင့်လို့ ချမ်းသာ တဲ့ နိုင်ငံလဲ ရှိတယ်။

အီစ္စရေး နိုင်ငံဆိုတာ ခြောက်သွေ့တဲ့ ရာသီဥတု၊ ကျောက်တောင် နဲ့ သဲသောင်ပြင် ပဲရှိသော်လည်း သူတို့ မဆင်းရဲဘူး။

ရေနံ နဲ့ သဘာဝ ဓါတ်ငွေ့၊ ကျောက်သံ ပတ္တမြား၊ နီလာ၊ ရွှေ၊ သစ်တောထွက် ပစ္စည်း၊ နွေမိုးဆောင်း စိုက်ပျိုးနိုင်တဲ့ မြေ နဲ့ ရာသီဥတု၊ ကမ္ဘာလူဦးရေအများဆုံး နိုင်ငံနှစ်ခုကြားမှာရှိလို့ ဈေးကွက်အကြီးဆုံး ရထားတယ်ဆိုတဲ့နိုင်ငံမှာ အလုပ်လုပ်နိုင်တဲ့ လူဦးရေ အလုံအလောက် ရှိသော်လည်း မြန်မာတွေ ဆင်းရဲနေရတယ်။

နော်ဝေး နိုင်ငံမှာ ရေနံ နဲ့ သဘာဝ ဓါတ်ငွေထွက်လို့ သူတို့ နိုင်ငံသားတွေကို နှစ်ပေါင်း ၂၀၀ လောက် ထိုင်စားလို့ ရအောင် စီမံခန့်ခွဲမယ် ဆိုသတဲ့။ တကယ်လဲ အလုပ်အကိုင်မရှိတဲ့လူတွေကို အလကား နေထိုင် စားသောက်လို့ ရအောင် ထောက်ပံ့ပေးထားတယ်။

တာတွေအားလုံးကို ခြုံပြီး ကြည့်တဲ့အခါ အစိုးရ မင်းလုပ်သူတွေရဲ့ စီမံခန့်ခွဲမှု မှာ လုံးဝ မူတည်နေတာ တွေ့ရပါတယ်။

သစ္စာတရား နဲ့ စီးပွါးရေး တိုးတက်မှု

သစ္စာ တရား နဲ့ လူ့ကျင့်ဝတ် ကောင်းတဲ့ နိုင်ငံဟာ အလိုလို စီးပွါးတိုးတက် တတ်ပါတယ်။

မြန်မာ နိုင်ငံ ဘာဖြစ်လို့ ဆင်းရဲ နေသလဲ... အဖြေက ရှင်းရှင်းလေးပဲ.. သစ္စာမရှိလို့... လူ့ကျင့်ဝတ် သိက္ခာ ခေါင်းပါးလို့ ဆင်းရဲ ခြင်း ဖြစ်ပါတယ်။

အဲဒီ ကျင့်ဝတ် သိက္ခာ တို့ ဆိုတာ ဘာသာတရား ရဲ့ အဆုံးအမ နဲ့လဲ ဆိုင်ပါတယ်။ ကျင့်ဝတ်သိက္ခာ တိုးတက်သွားတဲ့ နောက်ပိုင်းမှာ ဘာသာတရားဟာ အရေးမပါတော့သလို ထင်ရပေမယ့် မူလအစက အဲဒီ လူ့အဖွဲ့အစည်းကို အုတ်မြစ်ချခဲ့တဲ့ ဘာသာတရားဟာ ယဉ်ကျေးမှုတခုလို ကပ်ပါလာတတ်ပါတယ်။

ကိုယ့်ရဲ့ ဘာသာတရား ကောင်းမကောင်း ကို နှုတ်နဲ့ လိုက်ဟော နေလို့ မပြီးပါ။ အဲဒီ ဘာသာတရား ကျင့်သုံးတဲ့ လူ့အဖွဲ့အစည်းဟာ ဘယ်လောက် သစ္စာ ရှိသလဲ... ကျင့်ဝတ်သိက္ခာ ဘယ်လောက်ရှိသလဲ ဆိုတဲ့ အရာတွေမှာ Credit ပေးသွားတာ ဖြစ်ပါတယ်။

မြန်မာ့ တပ်မတော် မြန်မာ ပြည်သူတွေကို ကာကွယ်ပုံ အဆင့်ဆင့်...

မဆလ ခေတ် နောက်ပိုင်းဟာ ကိုပဲ တွက်ကြည့်တာပေါ့..

ဦးပိုင် ကုမ္ပဏီ တည်ထောင်ပြီး မြန်မာ့ စီးပွါးရေး ဦးပိုင် လီမိတက် ဆိုတဲ့ ပြည်သူ့ အကျိုးပြု လုပ်ငန်းလုပ်မယ် ဆိုတဲ့ ရည်ရွယ်ချက်နဲ့ လုပ်ခဲ့ပါတယ်။ ခြေကျိုး၊ လက်ကျိုး၊ အငြိမ်းစားယူတဲ့ တပ်မတော်သားတွေကိုလဲ ကူညီမယ် ဆိုတော့ အခွန်ဆောင်စရာ မလိုတော့ဘူး။ မြန်မာ့ မြေပေါ် မြေအောက် လုပ်ငန်း အားလုံးလဲ ဦးပိုင်က ခွစီးယူလိုက်တယ်။

မြန်မာ့ လုပ်ငန်းရှင် မှန်သမျှ ဦးပိုင် နဲ့ ပေါင်းရင် အခွန်လွတ်ပြန်တယ်။ ဒီတော့ အစိုးရ ဆိုတဲ့ ခန္ဓာကိုယ်ကြီးက အဲဒီ အခွန်တွေနဲ့ပဲ အသက်ရှင်ရတာလေ။ အရေးကြီးတဲ့ အခွန်ပေါက် အားလုံး ဦးပိုင်က ဂိတ်စောင့်လိုက်တော့ အစိုးရ ဆိုတာ ယဲ့ယဲ့ပဲ ကျန်တာပေါ့....

မြန်မာပြည်က လူမျိုး ၁၃၅ ဆိုတာ တကယ်မရှိတဲ့ ရှာကြံလူမျိုးများ ဖြစ်တယ်။

မြန်မာပြည်မှာ လူမျိုးပေါင်း ၁၃၅ မျိုးရှိတယ် ဆိုတာ ခဏခဏ တွေ့နေရတယ်။ ၀န်ကြီးတွေ ကိုယ်တိုင်လဲ ပြောတာ သတိထားမိတယ်။ ဒါပေမယ့် ဘယ်မှာ ပြဌာန်းထားသလဲ။ ဘယ် သုတေသနအဖွဲ့က ဖေါ်ထုတ်ထားသလဲ။ ဘယ် စာအုပ်မှာဖေါ်ပြထားသလဲ။ အဲဒီဟာကို ဘယ် သက္ကသိုလ်တွေက အသိအမှတ်ပြုထားသလဲ ဆိုတာ မရှင်းလင်းပါ။

အဲဒီ ၁၃၅ မျိုးဆိုတဲ့ အထဲက ကချင်အုပ်စု ကို ခွဲထားတာတော့ တော်တော် တရားကျဖို့ ကောင်းတယ်။ ကျန်လူမျိုးတွေကိုလဲ ဒီလိုပဲ ကျန်ဖန်ပြီးခွဲထားတာ ဖြစ်လိမ့်မယ် လို့ယုံတယ်။

ဘာတဲ့။ ကချင်လူမျိုး ဆိုတာ သီးသန့်ပါပြီး ကချင် ဆိုတဲ့ ဝေါဟာရ ကို အခြေခံတဲ့ လူမျိုး အားလုံးကိုလဲ ထည့်ထားသေးတယ်။ ကချင် ဆိုတာ လူမျိုးခြောက်မျိုးကို အခြေခံပြီး ပြောတာ။ ကချင်ဆိုတာ သတ်သတ်မရှိဘူး။ အဲဒီအထဲမှာ ဂျိန်းဖေ့ါ ဆိုတာ သတ်သတ်ပါပြီး ဂျိန်ဖေါ့လူမျိုးတွေ ကိုယ့်ဟာကိုယ် နယ်သတ်မှတ်ခေါ်တဲ့ Duleng, Hkahku, Gauri ဆိုတာတွေကိုပါ သီးသန့်ထည့်ထားတယ်။ အဲဒါတွေက အားလုံးကို ခြုံပြီး ဂျိန်းဖေါ့ လို့ခေါ်တာကိုတောင် မသိပဲ ထည့်ထားတယ် ဆိုတော့ သုတေသီတွေရဲ့ လက်ချက်တော့ မဖြစ်နိုင်။ သုတေသီ ဟုတ်တယ် ဆိုရင်တောင် မဆလ ခေတ်က အစိုးရ သုတေသီ ပဲ ဖြစ်ပါလိမ့်မယ်။

ကချင်တွေလဲ မြန်မာ ပါတဲ့။

ကချင်လူမျိုးတွေလဲ မြန်မာတွေပါ လို့ ပြောပြောနေတာ သတိထားမိပါတယ်။ ဟုတ်ကဲ့.... ကချင်တွေက မြန်မာ ဖြစ်ချင်လို့ လွန်ခဲ့တဲ့ နှစ်ခြောက်ဆယ်ကျော်ကတည်းက ပင်လုံစာချုပ်မှာ လက်မှတ်ရေးထိုးခဲ့တာပါ။

ဒါပေမယ့်... အဲဒီ စာချုပ်အတိုင်း မြန်မာဖြစ်ခွင့်မရခဲ့ဘူး။ ဒုတိယ နိုင်ငံသား ဖြစ်သွားတယ်။ ဘာလို့လဲ ဆိုတော့ ကချင်တွေဟာ ခရစ်ယာန် ဖြစ်လို့ပဲ။ ကျောင်းသားဘ၀ တုန်းက ပူတာအို မှာ ဘူတာရုံပိုင် အလိုရှိတယ်တဲ့ လို့ ပြောင်နောက်တာကို ယုံတဲ့ ဗမာငအ က မြို့နယ်မှူးတွေ တက်ဖြစ်။ သူနဲ့ အလုပ်အတူတူ ၀င်တဲ့ သူ့သူငယ်ချင်းကချင်တွေက ဘ၀ တစ်သက်တာ စာရေးဘ၀ က မတက်တော့ဘူး၊ တဲ့။ စစ်တပ်ထဲမှာ ဗုဒ္ဓဘာသာ ပြောင်းခိုင်းတာ မပြောင်းလို့ ဆိုပြီး ပင်စင်ပေးခံရတာတွေလဲ ရှိတယ်။ ရန်ကုန် စက်မှုသက္ကသိုလ် က နည်းပြဆရာ ကချင်တစ်ယောက် (နာမည်မဖေါ်ပြတော့ပါ) လဲ ဗုဒ္ဓဘာသာ ပြောင်းခိုင်းတာ မပြောင်းလို့ ဆိုပြီး အသက် ၃၀ ကျော်မှာ အထုတ်ခံရတယ်။ နောက်တော့ စင်ကာပူမှာ နာနို နည်းပညာနဲ့ ပါရဂူဘွဲ့ ရပြီး မြန်မာပြည်မပြန်ပဲ အခု စင်ကာပူ မှာ အလုပ်ကောင်းရနေပြီ။

အခုလဲ အာဏာရှင် ခေတ် ပါပဲ။

မြန်မာပြည်ပြောင်းလဲ နေပြီ၊ ဒီမိုကရေစီ ရပြီ ဆိုပြီး ပျော်နေကြတဲ့ လူတွေလဲ တပုံကြီးပါ။ တကယ်တော့ မပြောင်းလဲသေးပါဘူး။ လူပဲ ပြောင်းတာ၊ မူမပြောင်းသေးဘူး။ ဗဟိုက ဗဟို စနစ်ပါပဲ။

အာဏာရှင် ဆိုတာ ဗဟိုအဆင့် (အမြင့်ဆုံးအဆင့်) ကနေ အာဏာကို စုပ်ကိုင်ထားတဲ့ လူတစ်ဦး တစ်ယောက် (သို့) လူတစ်စု (သို့) လူမျိုး တစ်မျိုး ကို ခေါ်ပါတယ်။

တောင် အာဖရိက နိုင်ငံမှာ လူဖြူ များက လူမည်းများကို ဖိနှိပ်ဖို့ အတင်းအဓမ္မ ပြဠာန်းထားတဲ့ Apartheid ဥပဒေ နဲ့ ခွဲခြားဆက်ဆံခဲ့တာကို လူမည်းခေါင်းဆောင်များ ဖြစ်တဲ့ ဘုန်းတော်ကြီး ဒွတ်စ်မွန် တူးတူး နဲ့ နယ်လ်ဆန်မဲန်ဒေးလား တို့က တွန်းလှန်ခဲ့ကြ ပါတယ်။ အဲဒီတုန်းက လူဖြူများကတော့ ရွေးကောက်ပွဲတွေ၊ သမ္မတတွေ၊ မီဒီယာ လွတ်လပ်ခွင့်တွေ နဲ့ တကယ်ကို ဒီမိုကရေစီ ကျကျ အုပ်ချုပ်နေခဲ့တာပါ။

ငြိမ်းချမ်းတဲ့ဘာသာတရားထွန်းကားတဲ့ နိုင်ငံက ဒုက္ခသည်များ

မြန်မာပြည်မှာ ကမ္ဘာ့အငြိမ်းချမ်းဆုံး ဘာသာတရား ထွန်းကားတဲ့ နိုင်ငံ ဖြစ်တယ်... မြန်မာဟာ ကမ္ဘာမှာ အယဉ်ကျေးဆုံး... မြန်မာတွေဟာ သီးခံတတ်တယ်... လို့တော့ ပြောတာပဲ...

ဟိုက်.... ဟိုမှာ ၀င်တိုက်မိလို့ ပြန်ချဲပြီတဲ့....
အိုး... စပြီ... ဟိုဖက်မှာ ရန်ပွဲ...
ဟို.... ဒီဖက်မှာ မီးရှို့ပွဲ...
ဟာ.... ဟိုမှာလဲ လူသေပြီ...

ဟိုးးး ဖက်မှာတော့ တရွာလုံး ကုန်ပြီ....

ဟာ.... ဟိုမှာ ဒုက္ခသည် စခန်း ထပ်တိုး... အရင်ဟာတွေ မပြန်နိုင်သေးဘူး...

ကရင်ပြည်က ဒုက္ခသည် စခန်းဟာ နှစ်ပေါင်း ၃၀ ကျော်လာပြီ....
ကချင်ပြည်မှာလဲ ရွာ ၂၀၀ ကျော် ပျက်ပြီ... ဒုက္ခသည် တစ်သိန်းကျော် အိမ်မပြန်သေးဘူး....
ရခိုင်မှာလဲ.... ရွာပေါင်း xxxxxx....
အခု ရှမ်းမှာ ဒုက္ခသည် အသစ်တွေ ထပ်တိုးလာပြီ...
မြောက်ဥက္ကလာပ....
မိတ္ထီလာမှာ...
အခု ဥက္ကံ....

ဘယ်လိုဖြစ်တာလဲ ဗျာ.. အပြောနဲ့ အလုပ်ညီမှ ဖြစ်မှာနော့..

မြန်မာပြည်က လူမျိုး ၁၃၅ အကြောင်း ဝေဖန်ခြင်း...

Duwa Kachin

မြန်မာပြည်မှာ လူမျိုး ၁၃၅မျိုးရှိတယ် ဆိုပြီး စစ်အစိုးရ မီဒီယာတွေမှာ ခဏဏတွေ့ရတတ်ပါတယ်။ နောက်ပြီး သူတို့ ပြောပြောနေတာက လူမျိုး ၁၃၅ မျိုးတောင်ရှိတာ ဘယ်လိုလုပ်ပြီး အခု လက်ရှိပြည်နယ်တွေကိုပဲ ကိုယ်ပိုင် အုပ်ချုပ်ရေး ပေးမလဲ ပေါ့။ ဒါက လူမျိုးများလေ ဗမာ အကြိုက်တွေ့လေ ဖြစ်အောင် လုပ်ခြင်းပါ။

အမှန်ဆိုရင် ၁၃၅ မျိုးဆိုတာ လူမျိုးမဟုတ်ဘူး၊ ဒေဒိယ ဘာသာစကားကွဲတွေပါ။ အင်္ဂလိပ် ခေတ်က ဘာသာစကားလေ့လာသူတွေက မြန်မာပြည်မှာရှိတဲ့ ဒေဒိယ ဘာသာစကားကွဲတွေ အကြောင်း ကျမ်းပြုစုထားတာကို နေ၀င်း အစိုးရ က ၀ါဒဖြန့်စာ လုပ်လိုက်တယ်။ လူမျိုးဆိုပြီး လုပ်လိုက်တယ်။ အခုလဲ ထိုနည်း၎င်းအတိုင်း ပြုမူနေဆဲပဲ။