ဘာဖြစ်လုို့ ဒီလုို ခုိုးထုတ်လာရသလဲ ဆုိုတော့ ကျနော် ဥပမာ တခုပဲ တင်ပြပါမယ်။
မြစ်ကြီးနားက သူငယ်ချင်း တစ်ယောက်က သစ်အချောထည်၊ ပရိဘောဂ လုပ်ငန်းလုပ်ချင်တယ်။ မြစ်ကြီးနားမှာတော့ စက်ရုံအဆင့် ဆုိုပါတော့။ ကုန်ကြမ်းကတော့ ဟူးကောင်း ဂျိုင့်ဝှမ်းဒေသ က ပါ။ နှစ်စဉ် ရွှေတူးလုို့ ဒီတုိုင်း အလဟတ ခုတ်လှဲလုိုက်တဲ့ သစ်တွေကုို နှမျောတာက တကြောင်း၊ ဒေသခံတွေ အလုပ်အကုိုင် အခွင့်အလှမ်း ရပါစေ ဆုိုပြီး ရည်ရွယ်လုပ်တာပါ။ သိန်းထောင်ချီ အကုန်ခံပြီး လုပ်တယ်။ မြို့ နဲ့ နဲနဲ ဝေးတဲ့ နေရာ ထိ ကေဗယ်လုိုင်း ကုိုယ့်စရိတ် နဲ့ ကုိုယ်ဆွဲတယ်၊ ထရန်စဖါမာ ကအစ ကုိုယ့် ကုိုယ်ပုိုင် တပ်တယ်။ သိန်း ရာကြီး ကုန်တယ်။ ပုိုက်ဆံ ကုန်တာ အကုန်တွက်လုို့ ရတယ်။ ပုိုက်ဆံ ရှိရင် အချိန်အတုိုင်းအတာ တခုမှာ ပြီးနုိုင်တယ်၊ ဒီအထိ ပြဿနာ မဟုတ်ဘူး ဆုိုပါတော့။
ပြဿနာက ပါမစ် ကိစ္စ ပါ။
နေပြည်တော် အထိ ဆင်းရတယ်။ တစ်ခေါက်နဲ့ မပြီး၊ အခေါက်ခေါက် အခါခါ၊ ပါမစ်ရဖုို့ ဘာတွေ လုိုအပ်မှန်းလဲ အတိအကျ မသိ၊ လုပ်ထုံးလုပ်နည်း မရေရာ၊ ပင်လယ်ပြင်မှာ ကမ်းမမြင်ပဲ လက်ပစ်ကူးရသလုိုပဲ တဲ့။ ပုိုဆုိုးတာက ဘာ လူမျိုးလဲ လုို့ ခဏခဏ အမေးခံရတယ်။ ၀န်ကြီးဌာန တုိုင်းမှာ ပွဲစားကများ၊ ဘယ်သူ့ ကုို ယုံရမှန်းလဲ မသိ၊ ဒီအထဲမှာ သူ့လူ၊ ကုိုယ့်လူ ခရုိုနီ တွေရဲ့ မှတ်ချက်ကလဲ အရေးကြီးပြန်သတဲ့၊ မြစ်ကြီးနား ဆုိုရင် ဘယ်သူ့ ကုို မေး၊ ဆုိုတာမျိုး။ လုပ်ပုိုင်ခွင့်ပေးထားတဲ့ ခရုိုနီတွေက သူတုို့လုပ်ငန်းအတွက် အနှောက်အယှက် ဖြစ်တယ် ဆုိုရင် မဖြစ်ပြန်ဘူးတဲ့။
ဒါနဲ့ သူရတဲ့ နည်းအကုန်သုံးပြီး ၀န်ကြီးဌာန ကုို ချည်းကပ်တာ နောက်ဆုံးရတဲ့ အဖြေက “ယာယီခွင့်ပြုမိန့် နဲ့ စလုပ်တော့“ ဆုိုတဲ့ အမိန့် ထွက်လာတယ်။ သူလဲ စလုပ်ပြီ ဆုိုတာနဲ့ လူအများကြီးကုို အလုပ်ပေးရမှာ ဖြစ်တယ်။ နောက်မှ ပါမစ်မရဘူး ဆုိုရင် ပြဿနာ ဖြစ်မှာလဲစုိုး။
ဒီလုို ဒီလုို တွေကြောင့် ကုန်ကြမ်းမှောင်ခုို ထုတ်တာက ပုိုမြန်တယ် လုို့ ဆုိုပါတယ်။
No comments:
Post a Comment