ဒီမိုကရေစီ လွတ်တော် တွေမှာက ပြည်ထောင်စု အဆင့်လွတ်တော် ဆိုတာ တိုင်း နဲ့ ပြည်နယ်ထဲက အူမ ချေးခါးမကျန် ပြောဖို့ မဟုတ်ပါ။ တိုင်းဒေသတခုရဲ့ လူနာတင် ယဉ် တစ်စီး ကိစ္စကို ရေးကြီးခွင်ကျယ်လုပ်ပြီး မေးကြမြန်းကြမဲ့အစား၊ မြန်မာတနိုင်ငံလုံး အရေးပေါ်လူနာတွေကိစ္စ ဘယ်လို ကိုင်သွယ်သင့်ကြောင်း၊ ပေါ်လစီ နဲ့ ဌာနဆိုင်ရာ စီမံခန့်ခွဲမှုတွေကို ဆွေးနွေးညှိနှိုင်းသင့်တာပါ။
လွတ်တော်အမတ်တွေဟာ ကိုယ့်မဲဆန္ဒနယ်က လူထုရဲ့ ထောက်ခံမဲအတွက်ပဲ အလုပ်လုပ်မဲ့ အစား တတိုင်းပြည်လုံး နဲ့ ဆိုင်တဲ့ နိုင်ငံရေး မူဝါဒ ကို စဉ်းစားဆုံးဖြတ်ရမဲ့ နေရာ ဖြစ်ပါတယ်။
ဝန်ကြီးဌာန အဆင့်ကို ထမင်းတစ်နှပ်စာ ဆန်တောင်းသလို တောင်းနေမဲ့ အစား ၀န်ကြီးဌာန တွေကို လမ်းညွန်မှု ပေးနိုင်တဲ့ ပေါ်လစီ အကြောင်း၊ ဝေဖန်ထောက်ပြ ရ တဲ့ လွတ်တော် ဖြစ်သင့်တာပါ။
အဆုံးစွန်ပြောရရင်၊ စနစ်တခုလုံးရဲ့ အားနည်းချက်၊ အားသာချက်များကို ထောက်ပြဝေဖန်လျှက်၊ တကယ်တမ်း သိတတ်နားလည်တဲ့ လွတ်တော်အမတ်များ ဖြစ်ခဲ့တယ် ဆိုရင် ခေတ်ကာလ အရ အလုပ်မဖြစ်မှန်း နိုင်ငံတကာ ပညာရှင်များ ပြောလေ့ရှိတဲ့ ဗဟိုချုပ်ကိုင်မှု စနစ်ကို ဘယ်လို လျှော့ချသင့်တဲ့ အကြောင်း၊ လွတ်တော်အမတ်များ ပြောဘို့ အချိန်တန်ပြီလို့ မြင်ပါတယ်။ မဟုတ်ရင်တော့ ထွက်လာတဲ့ အကိုင်းအညွန့်တွေကိုပဲ ခုတ်နေပြီး အညွန့်တလူလူထွက်တတ်တဲ့ ညောင်ပင်လို ပြဿနာ ဆိုတာ ဆုံးတယ်လို့ ရှိမှာ မဟုတ်ပါ။ လူကြီးမင်း လွတ်တော်အမတ်များလဲ အသက်ကြီးသွားမယ်၊ မြန်မာပြည်သားတွေလဲ လွတ်တော်စရိတ်ထောင်းရုံကလွဲ
နိုင်ငံတကာ ရင်နှီးမြုပ်နှံ သူဌေးများကို ဖိတ်ခေါ်လို့ ပြီးနိုင်တာ မဟုတ်၊ သူဌေးတစ်ယောက်တိုးလာလေ ကျွန်သက်ရှည်လေပါပဲ။ သူဌေးဖိတ်ခေါ်နေမဲ့ အစား၊ ကိုယ့်ပြည်သူတွေရဲ့ ဂုဏ်သိက္ခာကို ပိုအလေးထားသင့်ပါတယ်။
ဘယ်သူ့ကိုမှ မျက်နှာလုပ်စရာ မလိုတဲ့ တရားမျှတမှုဟာ စစ်မှန်တဲ့ ဖက်ဒရယ် ပြည်ထောင်စု မှာ အမှန်ပေါ်လာမှာပါ။ ဖက်ဒရယ် ဆိုတာ ခွဲထွက်ခြင်း မဟုတ်၊ ပေါင်းစပ်ခြင်းသာ ဖြစ်ပါတယ်။ အရင်က လူမျိုးမတူတဲ့ သီးသန့်နိုင်ငံ ဖြစ်နေခဲ့ကြတဲ့ ဥရောပ နိုင်ငံတွေတောင် Confederation အောက်မှာ ညီတူညီမျှ လွတ်လပ်စွာ သွားလာရင်း တနိုင်ငံနဲ့ တနိုင်ငံကြား မှတ်ပုံတင် တချက်ပြစရာ မလိုပဲ ပျော်စရာ ကောင်းတဲ့ လူ့ဘောင်သစ်ကို ထူထောင်ခဲ့ကြတယ်။ ဥရောပကို မကောင်းဘူးလို့ ပြောနေတဲ့လူမျိုးတွေလဲ ဥရောပမှာ အခြေချနေထိုင်ချင်ကြတာချည်း
ဒီလိုဘ၀မျိုးဟာ ဗဟိုချုပ်ကိုင်မှု စနစ် နဲ့ ဘယ်လိုမှ မဖြစ်နိုင်ပါ။ ဗဟိုချုပ်ကိုင်မှု စနစ် နဲ့ အကျင့်ပျက်ခြစားမှု တိုက်ဖျက်လို့ မရပါ။ ဗဟိုချုပ်ကိုင်မှု စနစ်နဲ့ ကောင်းမွန်တဲ့ အစိုးရ၊ သန့်ရှင်းတဲ့ အစိုးရ တည်ဆောက်လို့ မရပါ။ ဗဟိုချုပ်ကိုင်မှု စနစ်နဲ့ စစ်မှန်တဲ့ တိုင်းရင်းသား စည်းလုံး ညီညွတ်ရေး မရနိုင်ပါ။ ဗဟိုချုပ်ကိုင်မှု စနစ် နဲ့ ဥပဒေ စိုးမိုးရေး လုပ်လို့ မရပါ။ ဒါတွေကတော့ ကမ္ဘာ့နိုင်ငံ အသီးသီးမှာ သာဓက အထပ်ထပ်ရခဲ့ပြီး စနစ်တကျ ဖေါ်ထုတ်ခဲ့ကြတဲ့ ပညာရှင်တွေရဲ့ တသဘောထဲ အမြင် ဖြစ်ပါတယ်။ ဒါကိုများ ဗဟိုချုပ်ကိုင်မှု စနစ်ကို ကျုပ်တို့ မြန်မာ့ လွတ်တော်အမတ်မင်းများ အဟုတ်မှတ် နေရင်တော့....
ဒူဝါ ဘာမှ ပြောစရာစကား မရှိပြီ............
No comments:
Post a Comment